motore di ricerca
Diventa Fan su Facebook
cataloghi novità - Piemonte - Monferrato - Asticataloghi editorischede autorinotizie2014 Promozioni
Alcune proposte
MÉIRA PERÓT
Ёdсò staneuit, coma tante d'àutre vòte, i l'hai sugnà d'esse tornà al Vilar. Ël pais, i lo vëddìa pa: ma i savìa bin che a j'era pì a bass, stërmà da la nebia. E mi, ant la matin ësclinta dij leu damont, i marciava për la bruera, e la rosà bondosa am bagnava j'ëstivaj e a fasìa bërluse le feuje dj'àidre. Tuta viòla la costera as ëslargava danans a mi, përgna 'd lus, e'dcò le biole a j'ero tut un frisson ëd lus; e'dcò mè cheur, coma na copa, a cujìa lus e gòj. Parèj i l'hai marcià longa travers ai brossaj fiorì e a j'aidre, e a l'anviron as vëddìo pa nì bòsсh nì montagne, mach cel, l'ancreus dёl cel ёsbalucant. E varda, l'ùltima biola a j'era là, danans a mi - e quanda i son avziname a le rame splendriente che a tocavo scasi tèra, un bati d'ale sbërgiairà a l'é alvasse dai brossaj, e la përnis a l'ё vola via, bassa sla tèra viòla: e 'nt l'arsàut i son arvijame, e na gòj genita e spersa am ёsvantava 'l cheur.

[..]
[..]

Dré 'd mia facia, ant l'ëspecс, i vëddìa l'uss duvert, e fòra dl'uss chèich muraja dle ca dёl Vilar. E drinta a le ca, mi i lo savìa, a-i era òimo e fomne con soe pòсhe gòj e sòi tanti dolor. Coj che i l'avìa mai vorsù сonòsse e feme amis, ora i-j conossìa ant mè cheur, un për un; e coma chiej, tùit coj che a sarìo passame aranda da ora anans, coj che a l'avrìo tocà mè solengh d'anté ch'a j'era vantaje via tuta ameror. Da ora anans... con deuit i l'hai posà l'ëspecс anté ch'i l'avìa trovalo, ansima a la litra 'd Tòni. Belelì a-i era lòn che a spetava 'n rëscontr, la vos ёd n'amis, e l'ëspecc am lo signava.

[..]




Bianca Dorato

MEIRA PEROT

editore GIOVENTURA PIEMONTEISA
edizione 2007
pagine 96
formato 12x20
brossura
tempo medio evasione ordine
5 giorni

12.00 €
9.00 €

ISBN : 978-88-89768-20-4
EAN : 9788889768204

 
©1999-2022 Tutti i diritti riservati
Via Brofferio, 80 14100 Asti - Piemonte - ITALY
Tel +39 0141594991 - Cell +39 3490876581
Spedizioni corriere espresso in Italia e in tutto il mondo
Riceviamo in sede su appuntamento
P.IVA 01172300053 - Cod.Fisc. BSSVCN50C23B425R - REA AT-93224
ebussi50@gmail.com